Pezullohet nga detyra Betim Reqica, drejtori i Përgjithshëm i Agjencisë Kosovare për Standardizim

15:48 | 24 Dhjetor 2021
V. S.

Është pezulluar nga detyra Drejtori i Përgjithshëm i Agjencisë Kosovare për Standardizim, Betim Reqica.

Kjo u bë e ditur në web faqen e Ministrisë së Industrisë Ndërmarrësise dhe Tregtisë.

Në vendim thuhet se kjo është bërë më kërkesë të Ministres Rozeta Hajdari, raporton arbresh.info

“Me kërkesë të parashtruar nga Ministrja e Industrisë, Ndërmarrësisë dhe Tregtisë, znj. Rozeta Hajdari, është iniciuar procedura disiplinore nga Këshilli Shtetëror për Vlerësim dhe Disiplinë ndaj Drejtorit të Përgjithshëm i Agjencisë Kosovare për Standardizim. Duke reflektuar në këtë kërkesë, më 21.12.2021, Këshilli Shtetëror për Vlerësim dhe Disiplinë nxjerri Vendim për pezullimin nga detyra, Drejtorin e Përgjithshëm të Agjencisë Kosovare për Standardizim”./arbresh.info/